Ás 14:00h de onte Sábado 01 de Outubro de 20110 a expedición da plantilla senior do Mareantes, con numerosas e importantes baixas entre as súas filas, partiu cara a terras portuguesas para disputar o I Torneo Internacional Sande San Lourenzo en Guimaraes, Portugal.O comezo dos partidos, inicialmente fixado para as 16:00h de Portugal, demorouse máis de media hora por cuestións loxísticas dos organizadores, e mesmo os árbitros que inicialmente estaban fixados para dirixir os choques, non puideron asistir, por ser chamados como xuíces de liña en partidos de liga de división de honra, o que fixo que se designase un árbitro por parte de cada club. Os partidos disputáronse en 2 partes de 20 min. con 5 de descanso.
O primeiro partido enfrontou aos anfitrións, a Braga R.C., un equipo novo cunha mestura entre as súas filas semellante á do Mareantes, que conxunta a xogadores veteranos cun gran número de mozos pouco experimentados, quen achegaron forza e vontade ao encontro, pero pouco xogo, o que fixo que o partido se decidise máis no aspecto físico que no táctico. Froito diso e da excesiva permisividade do árbitro que dispuxo o R.U. Aveiro producíronse demasiados "roces" que desluciron o final do partido. No deportivo, a Braga adiantouse cun ensaio que non transformaron, que o Mareantes remontou xa na segunda parte cunha marca da 1ª liña Mauricio Rinaldi que transformou Fede. O resultado final foi de 5-7 para os blanquinegros.
O segundo partido da tarde enfrontou aos equipos do Mareantes e o R.U. Aveiro, outro novo equipo, neste caso algo máis conjuntado e coordinado no aspecto táctico, que tentou en todo momento xogar o balón nos espazos, o que achegou maior vistosidade e que o fixo o choque máis interesante da tarde. Aproveitando o "desfalecemento anímico" coa que empezou o partido o Mareantes, adiantáronse os portugueses na primeira parte con dous ensaios froito de senllos descoidos defensivos que puxeron o 0-12 co que concluíu a primeira metade. No descanso, as palabras de Raul Varela puxeron cordura e algo máis de tranquilidade nos blanquinegros, que na segunda parte dominaron o xogo desde as fases estáticas e anotaron tres ensaios a cargo de Victor Prada, Mauricio Rinaldi e Cristobal García, dous deles transformados por Fede. que puxeron no marcador o 12-19 final.
O último partido, que enfrontou aos dous equipos portugueses, volveu desenvolverse no terreo físico, con intensos choques e percusións, accións esta vez aínda que controladas polo árbitro do Mareantes Pablo Irago. O resultado final de 7-7 reflectiu a igualdade dos dous equipos, aínda que con diferentes formulacións de xogo.
Polo Mareantes xogaron Kebr, Amo, Mauricio, Balonmán, Jaime, Sancho, Cristobal, Meiga, Pinchi, Fede, Quique, Dany, Álvaro, P.Irago, Tomás, Iago e Fungi.
Fuente de noticia: Mareantes R.C.P.