Vinte clubes de toda Galiza loitarán pola clasificación na fase previa do 11º Torneo Internacional de Fútbol 7 Benxamín

A fase previa do 11ª Torneo Internacional Cidade de Pontevedra de Fútbol 7 para benxamíns terá lugar o vindeiro 1 de maio no campo de herba sintética de A Xunqueira. Participarán vinte clubes de toda Galiza en grupos de catro e a unha volta. Só sete equipos poderán superar a eliminatoria.

O vindeiro día 1 de maio dispútase no campo municipal de A Xunqueira (herba sintética) a fase previa do 11º Torneo Internacional Cidade de Pontevedra de Fútbol 7 de Benxamíns. A eliminatoria terá forma de liguilla, os equipos competirán en grupos de catro e a unha volta. Só poderan clasificarse para a final sete dos vinte conxuntos participantes, cinco directamente como campións de grupo e os outros dous como vencedores dos encontros entre os segundos e terceiros mellor clasificados.

En caso de empate a puntos na fase previa, resolverase de acordo coas seguintes regras:

1. Resultado obtido entre ámbolos dous participantes. Maior número de puntos.
2. Mellor diferenza no "gol average" xeral.
3. Maior número de goles acadados.
4. Menor número de goles encaixados.

Se persistira o empate, o gañador será o equipo que teña a media de idade máis baixa.

Para determinar os terceiros clasificados, terase en conta:

1. Maior número de puntos obtidos na fase de liguilla.
2. Mellor diferenza no "gol average" xeral.
3. Maior número de goles acadados.
4. Menor número de goles encaixados.
5. Equipo con media de idade máis xove.

Os grupos xa están feitos: GRUPO “A” A.D. SAGRADO (Pontevedra) CÉLTIGA F.C. (Illa de Arousa) E.D. VAL MIÑOR (Nigrán) S.D. RIBADEO GRUPO “B” E.F.B. VIVEIRO PABELLÓN C.F. (Ourense) S.D. MONTEPORREIRO (Pontevedra) S.D. PORTONOVO GRUPO “C” AROSA S.C. (Vilagarcía de Arousa) A.J. LÉREZ (Pontevedra) CHAPELA C.F. (Redondela) MORAÑA C.F. (Pontevedra) GRUPO “D” DEPORTIVO NIETO (Vigo) E.F.B. REDONDELA FIGUEIRIDO C.F. (Vilaboa-Pontevedra) PONTEVEDRA C.F. GRUPO “E” E.D. POIO LOURO TAMEIGA (Mos) O RIBEIRO F.C. (Ribadavia) SALGUEIRIÑOS C.F. (Pontevedra)