Exhibición de piruetas este sábado na piscina da Escola Militar de Marín

Este sábado celébrase na piscina da Escola Naval Militar a Competición de Rutinas Técnicas de Base 2009. Participarán dez equiopos, catro na categoría de base I e seis na base II. A proba comezará ás once da mañá.

Sorpresa e espectacularidade son as notas clave da competición de rutinas técnicas de base deste ano que terá lugar este sábado na piscina da Escola Naval Militar de Marín. No evento, que está organizado polo Club de Natación Sincronizada de Pontevedra e a Federación Galega de Natación, participarán un total de 78 nadadoras. A cita será as once da mañá, inda que unha hora antes xa nos deixarán abraiados nos minutos de quecemento.

Cada clube presentarán unha rutina de como máximo dous minutos de duración, que incluirá obrigatoriamente un recorrido mínimo de 25 metros (longo da piscina), unha acción de brazos en cadencia e dúas figuras elexidas entre as seis dos grupos opcionais. As deportistas participarán en dúas categorías: base I (ate 12 anos) e base II (maiores de 12 anos).

No evento, que conta co patrocinio do Concello de Pontevedra e o Instituto Municipal de Deportes, participarán os seguintes clubes:

• Club Aguamarina Sincro: con un equipo de Base II
• CN Galaico-Sercoysa: con un equipo de Base I e un equipo de Base II
• Club Sincronizada Ourense: con un equipo de Base I e dous equipos de Base II
• Club Sincronizada Pontevedra: con un equipo de Base I e un equipo de Base II
• Club Sincronizada Ferrol: con un equipo Base de I e un equipo de Base II.

O Club de Natación Pontevedra compitirá con 19 nadadoras en dous equipos, un de base I e outro de base II. A orde de actuación dos equipos é a seguinte:

BASE I

Equipo 1 CSincro Ferrol (Naomi, Uxía, Claudia, Carla, Ainara, Inés y María Amma) Equipo 2 CNSincro Ourense (Lidia, Elena, Ariadna, Rita, Carmen, María, Laura y Mª Victoria) Equipo 3 CNGalaico-Sercoysa (Elisa, Laura, Reyes, Candela, Alejandra, Verónica, Carlota, Antía, Ana y Paloma) Equipo 4 CNSincro Pontevedra ( Carmen, Icia, Antía, Helena Aintzane, Cristina, Paloma, Sabela, Paloma y Soledad-Candela)

BASE II

Equipo 1 CNSincro Ourense (Paula, Marta, Sabela, Marta, Noemi, Ana, Estefanía y Sara) Equipo 2 CNSincro Ferrol (Cristina, Dora, Sara, Vanesa) Equipo 3 CNSincro Pontevedra (Nerea, Elena, Paula, Nerea, Iria, Itziar, Noemí, Carla, Raquel y Marta) Equipo 4 CNSincro Ourense (Carla, Ianira, Andrea, Paula, Rita, Nerea y María) Equipo 5 Aguamarina Sincro (Patricia, Noela, María, Sara, Tania, Clara, Olalla y Sabela) Equipo 6 CNGalaico-Sercoysa (Lorena, Kiara, Sofía, Marina, Ariadna, Lucía y Eva)