Escolas Deportivas Municipais 2010-2011

Abrese o período de inscripción de Escolas Deportivas Municipais para a Tempada 2010-2011. Máis información no Pavillón Municipal de 9.00 a 13.30 horas.

Campionato Galego de Técnica e Exhibición adultos Pontevedra, 11.09.2010

O vindeiro sábado 11 de setembro organizase en Pontevedra no Pavillón Municipal de Deprotes o Campionato Galego de Técnica e Exhibición de adutlos. Evento organizado polo Clube Mace Sport de Pontevedra. Os horarios da competición De 9 a 10 reunión de delegados e árbitros De 10 a 10:30 competición de exhibicions De 11 a 14:00 horas competición de pumses As 14:00 horas entrega de agasallos Os ximnasios participantes: 01.- Mace-Sport 02.- Tao-Clínica Luis Vilas 03.- Tao 04.- Yidam 05.- Kiap-Vigo 06.- Kiap-Cañiza 07.- Olimpia 08.- Neka 09.- Kido-Sport 10.- As-Sport 11.- Mat´s 12.- Trabazos Zone 13.- Natural-Sport Riveira 14.- Han´s Horang I 15.- Garrapucho 16.- Jansu 17.- Budo Zone 18.- Suh-Pontevedra Máis información: MACE SPORT.

Camiño de Santiago pola costa por etapas - Serviocio2010

Os sábados 18 e 25 de setembro e os 2, 16 e 23 de outubro de 2010 completarase, por etapas, o Camiño de Santiago comezando dende A Guarda. As etapas son as seguintes: A Guarda - Ramallosa - 32 Km Ramallosa - Redondela - 30 Km Redondela - Pontevedra - 30 Km Pontevedra - Valga - 30 Km Valga - Santiago de Compostela - 30 km Máis información e inscripción en: Piscina de Campolongo - 986863855

Campionato Virxe Peregrina de Pesca Submarina

Este próximo Domingo día 29 de Agosto o Club Sotavento de Pontevedra organiza o xa tradicional Campionato Virxe Peregrina de Pesca Submarina, na zona coñecida como Punta Miranda (Pedras Negras, O Grove)

A proba realizarase dende terra, comezando a inscrición no torneo na propia zona de pesca ó redor das 8:15. A cada un dos participantes faráselle entrega nese momento dunha camiseta, unha bolsa de comida que lle permita recuperar as forzas tralo evento e un saco numerado onde entregará as súas capturas á organización. Todos deberán estar en posesión das licencias en vigor da Xunta e a Federación

As previsións de participación da directiva son moi optimistas, agardando igualar os 53 inscritos do ano anterior, que supuxeron un record de asistencia a nivel estatal e que fixeron que as revistas relacionadas co mergullo de tirada nacional se interesasen por este evento.

Ás 9:15 farase a saída, tendo a proba unha duración de catro horas, e rexíndose polas regras da Federación Galega, o que quere dicir que as pezas deberán ter un mínimo de 1000 gramos para puntuar, penalizando por debaixo de 750 gramos. En caso de congrios e moreas, este peso mínimo sería de 4000 gramos. Os deportistas estarán en todo momento vixiados por Protección Civil, que controlará posibles accidentes, e unha embarcación de apoio do Club Sotavento que velará por que se cumpran as normas, en canto a captura de pezas prohibidas, separación entre os pescadore Ás 13:15 os participantes deberán estar fora da auga e entregar os seus sacos numerados á organización, que serán precintados ata o momento da pesaxe, que como ven sendo habitual, farase na Praza da Verdura de Pontevedra a partires das 17:30. O rematar, farase entrega dos trofeos ós primeiros clasificados e tamén á peza maior, e posteriormente terá lugar un sorteo de material deportivo e de buceo entre os participantes.

Para rematar, tódolos deportistas e os seus acompañantes estarán invitados a un pincho nun restaurante próximo, onde os participantes procedentes de distintos puntos de Galicia e Portugal poderán confraternizar e comentar as anécdotas da xornada. Agardamos que como en pasadas edicións sexa un día de festa no que todos os asistentes disfruten da súa paixón polo mar nun ambiente de compañeirismo e diversión.

Inauguración do Pavillón Polideportivo Monte Carrasco ubicado a carón do Colexio Público de Marcón

O Alcalde de Pontevedra, Miguel Anxo Fernández Lores, e a concelleira de Deportes, Anxos Riveiro Portela, inaugurarán o vindeiro día 27 de agosto o Pavillón Polideportivo Monte Carrasco ubicado acarón do Colexio Público de Marcón, segundo o seguinte horario: — 18,30 h Actividades de animación para nenos e nenas — 19,30 h Acto oficial de inauguración — 19,45 h Ambientación musical — 20 h Partidos amistosos entre os clubes Marcón FS Feminino e Marcón Atlético

Publicadas as Bases e Convocatoria de Subvencions Anuais 2010

As Bases e Convocatoria para a concesión de subvencións a asociacións deportivas do concello de Pontevedra para fomentar a participación en competicións oficiais no ano 2010 (Subvencións anuais IMD de Pontevedra) foi publicada o mércores 11 de agosto de 2010 no BOP número 153 de Pontevedra. Máis información no seguinte enlace. Escribe o resto do post aquí